Ndaikuaái ojehúva chéve, cheko'ênte sapy'a
Hi'ãitégui rohecha hasy ko che rekove
Opyta nde tapere, ndehegui chetyre'ỹ
Rehoguive mombyry tesaýmante añohê
Oñokuãremi ñasêva jaguata ku yvotytýre
Upérõ ñande ykére mainumby ovevepa
Ha ko'ág̃arõ G̃uarã ha'ekuéra ya okañýma
Nde yvoty avei ipirúma rehoguive chereja
Ndehag̃uántema, kuña, nderesarái umi mba'égui
Ndepy'ahatãitevégui ãichaitéanga chereja
Nderesaráipa, kamba, ne ñe'ê kuehe guarégui
Ha kunu'ûetaitégui jahasava'ekue yma
Péicha G̃uarãnte che nendive, kuñataî
Térãpa añágui rei ambuére chemboyke
Mba'ehápa ymave neremombói che kunu'û
Ajumboyve rohayhu, Teresita ñañaite