Travèse

Nou te bliye sonje n
Jan yo trennen n, separe n ak kòd lonbrit nou
Nou pat dakò, n pat vle
Yo anchennenn mare n, tòdye lespri nou

Pye n choute tè, pra frèt nan dlo sale
Va zwazo feraye, lapli tranpe nou
Si n te pou kont nou, solèy ta fonn nou
Jodi sonje patap trape demen nou

Se sak fè n ap di ayabombe
Ayibobo pou lwa nan tèt nou
N ap vide dlo, limen balèn, klere chimen nou
Ayabombe, ayibobo pou lwa nan tèt nou
N ap vide dlo, limen balèn, klere chimen nou
Klere chimen nou
Klere chimen nou

Travès la bay kalkil
Men li ranmnen lide pan fon rasin nou
Nou konn enmen leve kay wa pote lepe kanpe mennen batay la
N ap ret sonje liminen makonnen
A sa nou ye, n ap ret kanpe djougan tou
Nou se rasin tayino, dawome, kongo, napo, kalipso, petro, kanga

Nou di ayiabonbe, ayibobo pou lwa na tèt nou
N ap vide dlo, limen balèn, klere chimen nou
Ayiabonbe, ayibobo pou lwa na tèt nou
N ap vide dlo, limen balèn, klere chimen nou
Klere chimen nou
Klere chimen nou

Ayiabonbe, ayibobo pou lwa na tèt nou
N ap vide dlo, limen balèn, klere chimen nou
Klere chimen nou
Klere chimen nou