Mit Valen En Opstoan

'De ain het mazzel, de aander pech', dat is voak wat je heuren
Toch ligt t wel hail veul aan jezulven, as je ales mor loat gebeuren
Mor mit valen en opstoan, mit valen en opstoan
Kin je n hail bult leren

Bie de alereerste stapkes dij ik dee lag k op mien snoet
Krabelde din weer in t ìnt, mor ging geliek weer onneroet
Mor mit valen en opstoan, mit valen en opstoan
Heb k het leerd

Thoes mos ik eten mit mes en vörk, dat ging nait aaltied nait goud
Meer eten op grond as in mien lief, kop haildal onner t bloud
Mor mit valen en opstoan, mit valen en opstoan
Heb k het leerd

----------

Mien eerste grode laifde was n wichtje oet mien klaas
k Haar gain ervoaren, k haar t stoer der mit wat veur- of achterkaande
was
Mor mit valen en opstoan, mit valen en opstoan
Heb k het leerd

Op schoul was k nait de beste, k was voak goud veur n drij
Dat kin nou nait de pret meer drukken, k verdain genog veur twij
Want mit valen en opstoan, mit valen en opstoan
Heb k nog hail wat leerd

Nou denken ie messchain 'hai het mooi proaten' mor das nait haildal woar
t Is deurzetten, geef de moud nait op, din komt best veur mekoar
Want mit valen en opstoan, mit valen en opstoan
Kin je n hail bult leren.