Rapsódia de Mornas III

[Anjo Negra]
Nha sina éra ventura
Tristéza, nha kunpanhera
Oxe N kre rekordá kel jardin, kel kantar de pasarin
La onde ku N konxe ken N ama
Se belésa é di un fada nkantada
Se oliar é ternura, se surris é di paixan
Mi ja N ntrega-l nha korason
Ja N po tude na se mo
Es nha amor, nha karinhu

Anje négra, nha divina
Xa N ntregó-be es nha distinu
Na tenpistade o na bonansa
Bo é k'é kapton di nha veler
Si ogóra nha sina ta pa kondenasan, amor
Foi bo ki disperta-m es sentimente
I en tróka nos bóka unide nun bexe
Nun bexu grande, xei di futuru
I en tróka di nos bóka unide nun bexe
Nun bexu grande, xei di futuru

[N'Têro Di Camponês]
Ken k'é dónu des nha distinu
É ka pa séu ki N ta pidi
Nen é ka pa lua, kifari stréla
Mi é kanpunês, falta-m vos pa N txiga patron

É ka so abandonu
Mi N kre diretu di óme livri
Vida dizafogadu pa N ka spéra txuba
Naturésa ngrata ki diporta-m nhas kunpanherus pa lonxi di téra

Mi N kre so susténtu pa N da nhas fidjus
Nha bida dixa-m bai, N ta npalia
Nho Santitinu, nhu risponde-m
Na nha mórti N kre gaita ta pupa
Ntéru kanpunês, korpu na skifi
Ladainha di nho Pedru pa leba-m pa simitériu!

Mi N kre so susténtu pa N da nhas fidjus
Nha bida dixa-m bai, N ta npalia
Nho Santitinu, nhu risponde-m
Na nha mórti N kre gaita ta pupa
Ntéru kanpunês, korpu na skifi
Ladainha di nho Pedru pa leba-m pa simitériu!

[Gardenia]
Ken dera ser pa bo mutive di bo surris
Ken dera ser, pa bo, bo perfum ki bo kre más txeu
N ten manha di bos odjus
N ten manha di bos lábius
Di bo nkante, di bo feitís
Dos iluzan ki Deus da-m

Si N peká na nhas disexus
Si bo ten algen ki bo kre txeu
Ka sensura-m, amor é ségu
Ka txa-m morrê ku nhas disexus

Gardénia
Dixa-m pa N be nina-be
Nen ke for na kámra di nha sonhu

Es sóin ke ta tormenta-m kative na bo amor
Es sóin ke ta nbala-m na bo ternura i bo kalor
I na sónbra di bos odjus i dusura di bos bejus
N kre vive un iternidade, dos iluzan ki Deus da-m

Si N peká na nhas disexus
Si bo ten algen ki bo kre txeu
Ka sensura-m, amor é ségu
Ka txa-m morrê ku nhas disexus

Gardénia
Dixa-m pa N be nina-be
Nen ke for na kámra di nha sonhu

[Laura]
Laura, skorda bu obi es mórna
Ki é próva di nos amisadi
El é un sinal di sodadi
Didikasan i amor

Labanta, Laura, abri bo xanéla
Bo ben obi es mórna ki ben di séu
Mundu ka kre pa nu ser filis
Bo k'é di-meu, dja N kre-bu txeu

Laura, ka bu obi nada
Kusé k'es munde ngratu ta fla-bu
Es kre otxa-bu na disgrasa
Mi so na bo N ten fe

Labanta, Laura, abri bo xanéla
Ben obi es mórna ki ben di séu
Mundu ka kre pa nu ser filis
Bo k'é di-meu, dja N kre-bu txeu

[Salva Nha Criola]
Péna ki N ten di odja-bu na mundu perdida
Nes vida sen kor, ta fase amor falsifikadu
Ma Deus ka ta da-m perdon si N ka salva nha krióla
Ma Deus ka ta da-m perdon si N ka salva nha krióla

Si bo vive un dziluzan, ka fase-l razan
Pa bo ka kre más namor
Sen el ka ten sintidu vive más nes mundu

Ma mi N ka kre fika sen bo, nha krióla
Ma mi N ka kre fika sen bo, nha krióla

Si serenata sta morrê, kualé solusan?
É pa nos tude kanta mórna
Ki nasê di nos alma pa vive di krióla

Benditu sexa mórna, kansan di amor
Benditu sexa krióla, simente di nos mórna

[Jam Sperôb Tcheu]
Deus kolokó-be na nha kaminhu
K'é pa bu da-m amor i karinhu
K'é pa no kunpri nos destinu
Pa no brasa nos futuru

Deus kolokó-be na nha kaminhu
K'é pa bu da-m amor i karinhu
K'é pa nu kunpri nos destinu
Pa no brasa nos futuru

Ja N speró-be txeu
(Ja N spera-bu txeu)
Oxi bo é de-meu
N ka kre perde-be
Bo ben pa fka, pa ben ama-m

Ja N speró-be txeu
(Ja N spera-bu txeu)
Oxi bo é de-meu
N ka kre perde-be
Bo ben pa fka, pa ben ama-m

Juntu nu ta sigi nos kaminhu
Xeiu di pas, amor i karinhu
Ja N nklui-be na nha distinu
Rizonhu ta ser nos futuru

Juntu nu ta sigi nos kaminhu
Xeiu di pas, amor i karinhu
Xa N nklui-be na nha distinu
Rizonhu ta ser nos futuru

Ja N speró-be txeu
(Xa N spera-bu txeu)
Oxi bo é de-meu
N ka kre perde-be
Bo ben pa fka, pa ben ama-m

Ja N speró-be txeu
(Xa N spera-bu txeu)
Oxi bo é de-meu
N ka kre perde-be
Bo ben pa fka, pa ben ama-m

[Canter D'Felicidade]
Es lamente, dor dun sufrimente
É mágua dun kretxeu, éku di un amige
Fete mi pa bo, di un gritu di amor
Es grite ka é siúm, é grasa di un korasan
Matxóde dun trabaiador na speransa di un aventura
Sen mede bruxa, nen papan
Perfum nfetisóde

O, Róza njeitada dun lindu oliar
Xa-m kanta bo ris, bo kanter di flisidade
Xa-m senti bo nóm na kórda di un viulin
O na lamente dun viulan

Ma un dia, na bo kanter di flisidade
Bo oliar ta ser amadu
Bo pete ta ser abrigu di bo nóm
Róza enjeitada ta ser amdjer

Ma un dia, na bo kanter di flisidade
Bo oliar ta ser amadu
Bo pete ta ser abrigu di bo nóm
Róza enjeitada ta ser amdjer

[Talvez]
Talves bo ka sabe si N ta sofre
Ami dja N sofre txeu, falta-m morrê
Nha sofrimente ka ten midida
Dja N sofre tantu na es nha vida

Talves bo ka konxe dor di nha peitu
O ka pode valia nha grande afétu
Ku xave di or abri-m nha korasan
Bo ben skuta-m es nha orasan

Ben nkosta kabésa na nha peitu
Bo ben ovi un inu di armunia
Inu di amor, inu di afétu
En badalada di agunia

Na altar di Deus vista na séu
N po-l tudu nha fe, nha devusan
Pa N ben reza es nha orasan
Ave Maria di nos kretxeu

Ave Maria di nos kretxeu
Ave Maria di nos kretxeu
Ave Maria di nos kretxeu