Verstaandskoezen

toun ik op n gegeven moment verstaandskoezen kreeg
zaten zo hier en doar n paar koezen ien weeg
tandarts zee tegen mie:"der oet mit dij koes,
ik stuur die deur noar koakchirurg in t zaikenhoes"

oeh-wie, oeh-wie baby
nou mot ik verdikkemie noar t zaikenhoes

ik zee nog tegen taandarts:"bis haildal bezopen
ik heb ja naargens last, breek mie de bek nait open!"

hoal alvast mor soep veur twij week in hoes
drij pakken krentjebrij, n pot appelmoes
gelukkeg het mien moeke ook n multiprak thoes
veur as ik weer terug bin oet t zaikenhoes

ik zit laiver thoes as in t zaikenhoes

ik zee nog tegen koakchirurg:"t kin mie ook niks meer verrekken,
trek m der mor oet, komst doe ook an die trekken!"

koakchirurg zee:"t dut misschain wel wat pien"
en ain seconde loater vloog ik deur t roamkezien
"tou even gatverdakke," zee e," zit toch es stil"
moar tot in Doodstil galmde mien gegil

nooit weer noar zo'n koakchirurg in t zaikenhoes

noa n stief ketaaier docht ik:"hèhè, hai is kloar"
moar doar kwam e al weer an, mit nog n dikkere boor!

(c) tekst: P. de Haan/ F.J. den Hollander / muziek: P. Smith