Zo'n Pien

zo'n pien, zo'n pien, zo'n pien zo'n pien
ik vuil mie röt, ik heb n pesthumeur
zo'n pien, zo'n pien, zo'n pien zo'n pien
dus an mien kop nou even gain gezeur

Jan zit an mien kop te soezen
kom der oet, doe moest die doezen
en hai geeft een ruk an t rolgerdien
even in de spaigel keken
snel mit kop weer onder deken
man oh man, ik heb zo'n pien

ik vreet mie dik, ik vreet mie rond
ik heb toch al n swienekont
kom ik slik nog moar wat asperien
mien tieten wegen wel twij tön elk
al zegt Jan: t liekt nait lelk
ze dudn wel verrekte pien

onder invloed van hormomen
bin k haile hoes weer an t schonen
mens oh mens oh menstruoatiepien
pukkelkop, mien hoar is vet
k heb slip alweer in sopje zet
en berreloakens in de wasmesjien

(c) tekst: P. de Haan/ F.J. den Hollander/ A.T. Kiers / muziek: D. Parton