Ko'êramo, ko'êramo
Dúo Quintana-Escalante
Ajecha techaga'u ahoja guýpe
Mandu'águi ndaikatúiva chesãso
Techase chemog̃uahê ko ne rendápe
Ne ma'ê ha nde puka aha'ãrõ
Rerekóko mytuê chemba'erãva
Aretéma reñomíva chehegui
Kóina ndeve arog̃uahê mbyja yvága
Repu'ãvo rejuhuva'erã omimbi
Ko'êramo, ko'êramo iko'êvo
Hyapúne nde apysápe che ãho
Joayhurãma remyag̃eva'erã upekuévo
Reñandúvo ne ñe'ãme ojaitypo
Nahi'ãinte, nahi'ãinte jahavévo
Tesaráipe chereity, kuñataî
Chéko akóinte ne porã amoñe'êvo
Ha yvytúndie roañuã rohetûmi
Mba'apógui ndaikatúiva jepivérõ
Ipy'ỹi ñande juecha ko ka'aru
Ojoykére jajecháramo ko'êrõ
Anianga tekotevêpe jajehu
Chéko akóinte sapy'áramo ko'ãicha
Ajecha nderehe'ỹ che pyhare
Jepivérõ nendive aimeramoguáicha
Aroke che apytu'ûme ne ñe'ê
Ko'êramo, ko'êramo iko'êvo
Hyapúne nde apysápe che ãho
Joayhurãma remyag̃eva'erã upekuévo
Reñandúvo ne ñe'ãme ojaitypo
Nahi'ãinte, nahi'ãinte jahavévo
Tesaráipe chereity, kuñataî
Chéko akóinte ne porã amoñe'êvo
Ha yvytúndie roañuã rohetûmi
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Dúo Quintana-Escalante e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: