Fladu Fla

Ma fladu fla cima fladu fla
Cima oubido tá oubido fla
C'ma xcrito xcrito tava xcrito lá
Ma xcrito fladu tava ouvido lá
Quem fia fio ca tá vende fiado
Quem pia fino tá caba finado
Bebi di rente ê ki tá poi dilado
Grita 3 bes cá tá fazeu sarado
Ama domado si bu tem patron
Amargurado si bu cá tem tchon
Cima jangada de pedra di nho jon
El cai di monti coqueta na tchon

Largal na monse
Obi Maria
Ess cusa ê strito
Ê p ingles ver
N'a cusa si gentis
Ca ta metido
Ê traço fino
Di gentis di fora

Tomé tomé cá credita na flado fla
Pamodi el cria odja tudo pá ces odjo
Pq el cá cunfia n cusa Maria fla
Naquel dia de txuva la na tchom du ribeira
Que nuvia tava ta rabenta bram bram
Ki cutelo já duraba seco cram cram