Canua Ca Na Ncadja

Kin ki ten tera?
Anos ku ten tera
Olo, ma kin ki ten tera?
Anos ku ten tera
Ba kin ki na luta?
Anos ki na luta
Ba kin ki na kume?
Ba nhus ki na kume
Ba kin ki na dana?
Ba nhus ki na dana
Ba kin ki na punta?
Anos ku na punta
No na punta kusa di ke?
Kusa di no tera
No na punta kusa di ke?
Kusa di no tera

Si kanua ka nkadja, no na tchiga
Si kanua ka nkadja, no na tchiga

No mbarka na kanua di Sam
No na rema pa utru banda
Ba nhuris ku ba nharas fidalgus
E kuri e sinta na un ladu son
Kuma e medi son di koresma
Anos ki osal, ala no na padasa

Si kanua ka nkadja, no na tchiga
Si kanua ka nkadja no na tchiga

No mininus, ka bo da brasu sedu
Operarius, ka bo da brasu sedu
No kampunezis, ka bo da brasu sedu
Pursoris, ka bo da brasu sedu
No artistas, ka bo da brasu sedu
Tarbadjaduris, ka bo da brasu sedu
Infermerus, ka bo da brasu sedu
No djuventudi, ka bo da brasu sedu
No formadus, ka bo da brasu sedu
No biderus, ka bo da brasu sedu
No mindjeris, ka bo da brasu sedu
Guine-Bisau na sabi, kansera na kaba

Si kanua ka nkadja, no na tchiga
Si kanua ka nkadja, no na tchiga

Ma ke ki sabi na Guine, brinkadera son!
Ma ke ki sabi na nha tera, brinkadera son!
Skolas ku n' obi tchiu la
Kredi, brinkadera son!
Anta, brinkadera son!
Mesinhus na ospital n' pataia
Padjerus ku Hiunday manga del!
Anta, i brinkadera son!
Stradas tudu bon
Lus pa tudu ladu
Kool, kool ka ten
Anta, la brinkadera ma ten la
Guine, ma brinkadera ma sabi la
Badjudasinhus ke tene mama latidas
Mindjer garandis ke tene mama firmi
Na nha tera
I pa kume mundu son!
Fomi
Garandis tudu n’orn’ori
Pa bu kanta!
N' obi e na pupa sakur
Pa se kabesa, pa se kabesa son
Elis ku kudji e grita viva
La na se kabesa
Elis ku kudji ke ki misti de
Pa se kabesa son
Na se kabesa de! Na se kabesa son!
Ka bu tombaria ku no sta ku bo
Na sabura o na kasabi
Kaianko ka da Boleru tempu
Kontan Kaianko suma bola na sentru
Ai Sido, vitoria di nos!
Ai Sido, vitoria di nos!