Da Polifka-Rudl & Da Engl Mitn Dreckign Gsicht

Da Polifka-Rudl & Da Engl Mitn Dreckign Gsicht

I lahn mitn oidn Herrn Walker auf an Plausch an da Bar.
Do mochts an Poschaund an Tuscha und es gibt a muads Gschraa.
Es is da Polifka-Rudl, und er kummt durch de zuagmochte Tia im Retourgang durchs Milchglos und schleift se ein nebn dem oidn Walker und mia.
Da Polifka-Rudl is normal sanft wia ein Lamm, a stiller Witwer und Zecher und so dürr wia mei Dam. Er woa im Handl-Kino guade 20 Joa Billeteur, wechselt jetzt Zehner in da Peepshow und er heat a scho schwer.
&quotRudl, heast", plärr i. &quotWos isn gschehn?"
&quotFrog mi ned", keucht er. &quotI hob sowas no ned gsehn."
Er scheppert wia a Kluppensackl, sogt: &quotMia gehts anan Krogn!"
&quotAhwos, Bledsinn", sog i. &quotJetzt red scho!"
&quotHuach" , sogt a, &quotOba ned weitersogn...bitt´ dich, heast.

I kumm heit aus da Hockn, eh scho z´spod, hob no gwart auf die Rikki, weus heit Spätschicht hod.
A fesche Gretl die Rikki, kennstes eh. Oba kennst ihr neiche Nummer? Weltspitze, ohne Schmäh. Wos wollt i sogn? Ahjo.
I tummel mi ham, weus im Kabel die &quotUnbestechlichen" spüd, do siech i an Wogn der wos ma folgt, ohne Nummernschüd. A so a Gefährt, a richtige Limousin. I schau und i schau, und wer glaubst sitzt drin?
Nau rat. Auf des kummst ned. I hob glaubt, i spinn. Da James Cagney, und des heite und mitten in Wien.
Des woara , des schwör i, weu bei dem kenn i mi aus. Mein Cagney den kenn i, do loß i kan aus.
&quotChicago", kennst? Spitzenfilm. Hundert Moi gsehn. &quotAngels with dirty Faces&quot. Im Original. Wegen dem Cagney sein Reden.
Er woa ka a Guada und er woa a ka Büd von an Mann. Oba wan na so gredt hod, auf Englisch, uh, do scheißt di an ..."
Sog i: &quotRed weida Rudl!", drauf er: &quotWo woa ma grod? Ahjo. I hob oiso gschaut. Kummt ana von hint, der wos ma voll ana am Buckl haut.
I fahr umadum, is des der Flurschütz-Tone. Wirst ned kenna. Der woa vuam Kriag a so a Schwimmkanone. Er hätt jetzt an Platz im Heim in der Ölweingassn,sogt a, über sein Buam, der is a hecheres Viech bei die Genossen. Da Tone redt und redt, er is a bißl a Lamentiera, endlich bring i eam an und geh die Dings-Gassn vira, - is do wieder de Limousin.
Schwarz wia die Nocht, mitn Cagney drin. I siech wia er locht, sei gfährlichs Lochn. Jetzt steigt er aus. Wos soll i mochn? I hea den Cagney wos sogn, auf Amerikanisch, do hau i die Nervn weg und renn wia panisch. I renn und er rennt, jo und dann bin i gfalln.
Oba nix weidasogn, bittich, tua ma den Gfalln..."

I denk ma, den Rest von sein Schwank soll er dem oidn Walker dazöhn. Bei dem is er guad aufghobn und i werd daweu gehn. I sog no: &quotOis halb so wüd, Rudl", und bin scho draußt bei da Tia, do siech i sei muads Limousin und a schwarzweißer Cagney baut se auf vua mia.
Er sogt: &quotDes bleibt jetzt unter uns und jetzt geh brav ham. Denk da ned z´vü, denk da des is ollas nua a Tram."
Oba i denk an den Rudl, do steßt er mi weg von da Tia und sogt:
&quotDo is no a oide Rechnung offen zwischen dem Rudl und mir."