Kisjes kearl

Zo'n tachtig joar gelejen, wi-j kennen gin streekvervoer
Toen leaven hier een kisjeskearl, een grote ouwehoer
Ongeregeld op zien tied kwam hie in de buurt
D'n faam die ging 'm wiet veuruut en hie wier nagegluurd

Hoe hie an zien handel kwam, namen wi-j niet zo nauw
Hie had van alles bi-j zich, van jarretel tut koeietouw
Toendertied hadden wi-j gin krant
Moar hie was een wandelend boek
En eenmoal op de proatstoel, sprok-e van de Achterhoek

Laatst ging ik van Hummel oaver Toldiek richting Boak
Doar was toen net karmis dus ik denk
"Ik sla der een an de haak"
Toen ik aan een deerntjen vroeg
Of zie met mien met wol gaan
Zei ze: "Nee, ik blief liever hier"
En bun ik toen alene wieter gegaan

Ik wol via Steenderen noar 't Bronkhorster veer
Moar alles stond blank ik kon niet wieter
En ik dacht : "Terugge moar weer"
Ik denk: "Och, 't is ok niet zo slim"
Ik geleuf da'k noar Doesburg stoek
Ik blief an de goejen kant van den Iessel
Ik blief in de Achterhoek

Ik hoken toen noar Winterswiek dicht bi-j de Duutse grens
Zo'n blonde bronnis an de haak te slaan
Dat was mien liefste wens
Moar de boer woar zie met getrouwd was
Gaf mien een mohltjen op de pens
Woar ik toen noar toe gevlucht bun
Dat geleufd now hoast gin mens

In Bredevoort bun ik ondergedokken bi-j een weduwvrouw
Better bekend as Kaatjen met 't heur as kabeltouw