Weekend

Maandagmorgen stoa-j op met een zere kop
De bek zo dreug en de baas belt ow op:
"Kom i-j nog werken of he-j liever WW?"
Hi-j gunt ow niet ens effen tied veur de plee
't Busjen dat ri-jd en i-j dommelt nog wat
Um acht uur op de ni-jbouw in Lelystad

I-j lacht wat met ow maten um een schuune bak
Um tien uur schaften, zit i-j op ow gemak
Oh 't weekend was mooi en vrouwluu te gek
Alleen zondagoavond ha-j der vier um de nek
In 't busjen noar huus, vuul i-j ow weer fris
Zo bli-j dat 't vri-jdag weer weekend is

refr.:
Moar joa, wat stekt ow de paus
't Kan ow gin donder verdommen
A-j doet wat de baas zegt
Zal toch 't weekend van eiges wel kommen

's Zaterdags wat beunhazen, um drie uur bu-j kloar
Spiekerjas ken an en een borstel deur 't hoar
Dan noar de kroeg want doar tref i-j ow maten
Zie zoept stevig deur, zie hebt weinig te praten
De taxi ri-jd veur een tientjen de man
Op weg noar de wieven en wi-j goat der tegenan

's Zundags met een kater alweer vroeg uut de veren
De bek zo dreug, moar een pilsjen proberen
Oh, hi-j smaakt ow zo best bi-j een beksken patat
Met volle mayonaise en um drie uur bu-j zat
Gin tied um te spi-jen want de taxi ri-jd veur
Vanavond zakken wi-j veur de laatste keer deur

refr.(2x)