Djobi Bu Fidjo Ta Badja (feat. Luca Cabral)

Pelo sinal da Santa Cruz
Livre-nos Deus, nosso Senhor
Dos nossos inimigos
Amém

Bu palavra dja toma nha karni, rinkarnason é verdadi
Leis é iternidadi, purisu, nha squad dja da se sangi
Nos amor ta ben xeiu di ódiu, ira di Deus ka dimónius
Resusita bus anjus na velóriu di bus monstrus
Korderu di Deus, N kre mata pekadu di mundu
Ma ka bale péna reza pa nos prujétus sen palavra i óbra di putus
Iluminadus di tudu gétu, N kre konvida nhos pa nu ben sunha djuntu
I nu kria un igreja verdaderu i justu pa nu salva nos futuru
Traze pakas pa nos sofrimentu, rikéza, rakonhisimentu
Ma es fama pode ser maldison si nu fasta di nos juramentu
Oji un mudjer di virtudi i un nigga rial é rikéza pa nha sentimentu
Nton k'o duspi pa nha lus i k'o inveja vitória dun prétu
Rial thug, nu baza faze dinheru na madrugada
Sen pistóla, faka, maskra, pega xéki di bu fama
Odju sidadi dja para, obi kel fumu na padja
Odja bu fidju ta badja na kéda di bu ignoránsia
Kel-li é karma

Djobe bu fidju ta badja (djobe bu fidju ta badja)
Na kéda di bu ignoránsia
Ben obi bu fidju ta kanta (obi bu fidju ta kanta)
Kel rap k'u fla m'é disgrásia

Djobe bu fidju ta badja (djobe bu fidju ta badja)
Na kéda di bu ignoránsia
Ben obi bu fidju ta kanta (obi bu fidju ta kanta)
Kel rap k'u fla m'é disgrásia

Lokaliza-m na Somada, street Sonbéntu, un gaju ta banka la
Bu ten ki ta kala bu bóka s'u ka sta informadu, es sa sima matraka la
Nha rap é pa salva bu alma
N kre prova ma N nanse pa N kanta
Mi N sabe kuzé ki N sa pâpia, n ka sa ta dipende di gritu ku palma
Kenha k'é mi na Somada?
Kenha k'é mi déntu Karga?
Kenha k'é mi déntu Praia?
Dja es da-u nobidadi mô ki N ta satadja?
É bo k'é nha "Wesh ma gueule"
Bu tene futxa pa N faze-l?
Kel xaru ntoladu di mel (mel)
Kel whisky N sa kurti bebe-l (Bell)
Ó, N kre fika moku, kanta ti ki nha vós fika roku
Ma 'u odja-m ku bibida na kópu, ma 'u k'obi kel rap nha korpu sa mortu
Korpu é di txon, alma é di Kristu
N kre mata nha vísiu, kel-li é sakrifísiu
Mandis Luca fla: nu ta salva mininu, nu pasa di frénti, nu sigi kaminhu
Sta mundu ta sigi nos markas
N sa fartu di kanta na plaka
É ruspetu, atitudi i puder
Pa N kanta pa biata N ta kanta di grasa
Sen présa mas xeiu di gara
Sen medu di nada, róstu pa nha kasa
Kel-li é pa kes trópa k'é konbatenti
Ka trópa ki mata, ka salva inosenti
Kel-li é pa pulítiku ativista, ku onestidadi se povu é konkista
Kel-li é pa minís ki ka ta dispisa
Kabélu bédju ma xinti bunita
E ta bai pa kes trópa k'é R.A.P
Ki nunka ka muda pamodi kaxê
Ta pasa na street, "rapeipas kualé?"
Dinheru é bunitu i ruspetu tanbê
Wass

Djobe bu fidju ta badja (djobe bu fidju ta badja)
Na kéda di bu ignoránsia
Ben obi bu fidju ta kanta (obi bu fidju ta kanta)
Kel rap k'u fla m'é disgrásia

Odju sidadi dja para
Ta obi kel fumu na padja
Djobe bu fidju ta badja
(Nha fidju sa badja, kuzé ki sa pasa?)

Odju sidadi dja para
Ta obi kel fumu na padja
Ben obi bu fidju ta kanta
(Nha fidju sa kanta, kuzé ki sa pasa?)

Odju sidadi dja para
Ta obi kel fumu na padja
Djobe bu fidju ta badja
(Nha fidju sa badja, kuzé ki sa pasa?)

Odju sidadi dja para
Ta obi kel fumu na padja
Ben obi bu fidju ta kanta
(Nha fidju sa kanta, kuzé ki sa pasa?)

Djobe bu fidju ta badja
(Djobe bu fidju ta badja, djobe bu fidju ta badja)
Ben obi bu fidju ta kanta
(Obi bu fidju ta kanta, obi bu fidju ta kanta)
Djobe bu fidju ta badja
(Djobe bu fidju ta badja, djobe bu fidju ta badja)
Ben obi bu fidju ta kanta
(Obi bu fidju ta kanta)
Kel rap k'u fla m'é disgrásia