Tarafal Na Biku

Tarafal Na Biku

Tarrafal kudam nha biku dretu lá
Tarrafal kudam nha biku firmi si

Óki nasi um matxu nxinal papia kriolu
Óki nasi um fémia nxinal Ave Maria
Óki nasi um matxu nxinal papia kriolu
Óki nasi um fémia nxinal Ave Maria ia ia ia

Xintadu nta kata simbrom
Djongontodu nta rinka txabéta
Xintadu nta tra kakutu
Nta leba kasa pa fasi kume

Xintadu nta rinka simbrom
Sakedu nta rinka kakutu
Xintadu nta tra txabéta
Nta leba kasa pa fasi kume

N txiga dentu nha poial
N bisti kamisa fradu-fradu
N lava nha pé ku agu-l póti
N bá skola prendi suletra
N bá skola prendi suletra

Mar-mer-se-sol-veu

Xintadu nta kata simbrom
Djongontodu nta rinka kakutu
Sakedu nta tra txabéta
Nta leba kasa pa fasi kume

Xintadu nta kata simbrom
Djongontodu nta tra txabéta
Sakedu nta tra kakutu
Nta leba kasa pa fasi kume

N txiga dentu nha poial
N laba-l pé ku agu-l póti
N laba kamisa fradu-fradu
N bá skola prendi suletra
N bá skola prendi suletra

Mar-mer-seu-sol-veu

Ke riba kaba mi so?

Tarrafal kudam nha biku firmi si
Tarrafal kudam nha biku dretu lá

Óki nasi um matxu nxinal papia kriolu
Óki nasi um fémia nxinal Ave Maria
Óki nasi um matxu nxinal papia kriolu
Óki nasi um fémia nxinal Ave Maria ia ia ia

Djoli djo

Óra ki n subi riba la na Munti Graciosa
Ondia ta kebra na rotxa
E ta fika branku sima renda na saia mudje-l
Li ki Nkantada ta pari mininu na oréla di ondia
Li ki rapariguinhas sta ba pa mar
Ta feri karkanhar na pedra di mar
Li ki nu ta no rostu e nu ta tuntuni
Nu ta murguia na ondia só pa nu ka ba kasa
Li ki nu ta kolkotiria nu ta rinka un konxa
Nu ta fasi rapariguinha un brinku nu ta pol na pé d'orédja
Li ki nu ta rinka korel nu ta fasi kolar
Nu ta po mosinhus fémia na pé di piskos
Ami nha téra é sabi, sabi, sabi, sabi
Sima lingua na mel
Sima brásu di mai

Óki nasi um matxu nxinal papia kriolu
Óki nasi um fémia nxinal Ave Maria
Óki nasi um matxu nxinal papia kriolu
Óki nasi um fémia nxinal Ave Maria ia ia ia