Escola Salesiana de Artes e Ofícios (ESAO) - Samba-Enredo 2024

[Samba-Enredo: Soprá Bôs Vela]

Seis padre aventurer ke se spirte di marinher
Ranká pa térra d'oriente
Rum trasóde pa timor
Ma es inkantá ke tude splendor
I sinpatia di nos jente
Bispe kunvdá-s ke forsa di fe, inspirá-s
Es ptá sis ferre, preli es fká
Primer na ilha di Xikin
Dpos, nton, es bská kamin di Sonsente ondê k'es trilhá

Un ipupéia di kultura, edukasãu
Nobre anbisãu: Formá nos sidadan
Xei d'aligria i animason na karnaval é nos misan
Xei d'aligria i animason na karnaval é nos misan

Skóla Salesiana di Mindel
Bo arte i ofís moldá nos sosiedade
Kriá bos mnin pa ben, sen disrespeita ningen
Mostrá-s kamin di moralidade
Bos prufsors ta transmití valors
Ke ta kontribuí pa nos formasan
Tude ken pasá na bo eternamente ta levó-be na korason

Soprá bos véla, kortá bo bol
Saltá na lórge, nu ben festejá
70 ón des instituisãu ke nos nasãu oje kre selebrá

Soprá bos véla, kortá bo bol
Saltá na lórge, nu ben festejá
70 ón des instituisãu ke nos nasãu oje kre selebrá