Desculpa

Dexa-m konta-bu un poku
Mó ki nha vida ten stadu, teni nha menti kansadu
Dexa-m konta-bu un poku
Di tudu ki dja N ten pasadu, pisoas ki mi N ten maguadu
Dexa-m konta-bu un poku
Mi N kre pidi diskulpa, dexa-m pidi diskulpa

Pa kel dama ki N magua, ki N faze-l txora, ki N faze-l mal
N traze-l so mágua, N da-l so disgostu, kuazi N mata-l
E da-m se amor, e faze-m di tudu so pa N ama-l
Ma N ka kolabora, na fin di tudu mi N maxuka-l
Tanbe pa nha bróda ki staba djuntu na kureria
Nos éra un so, pa el mi N ta daba nha própi vida
Tanbe pa nhas manus, déntu di kaza tudu kes brigas
Oji dja N prendi antis di tudu primeru é família
Tanbe pa nhas tius, pa tudu nhas tias
Tanbe pa nhas primus, tudu nhas primas i mai di nhas filias
Mi N ta pidi diskulpa pa kes ki nen ténpu N ka tira pa es
N kria ajuda ma so k'é nha ves
Fórti vida é ngratu, Nhordés

Dexa-m konta-bu un poku
Mó ki nha vida ten stadu, teni nha menti kansadu
Dexa-m konta-bu un poku
Di tudu ki dja N ten pasadu, pisoas ki mi N ten maguadu
Dexa-m konta-bu un poku
Mi N kre pidi diskulpa, dexa-m pidi diskulpa

Tanbe pa nha mai, di fundu nha korason: Diskulpa-m
Kel bes ki mi N era, ki N pu-u na vergónha, fórti mata-m
Tanbe pa nhas fidjus, tudu kes falta ki N fazi nhos
Ma si un dia ami N parti, nhos diskulpa-m, nhos guarda nha vos
Tanbe pa kes niggas la déntu di getu na trokas di tirus
N ta pidi diskulpa pa kes ki nu magua, es vida é fudidu
Tanbe pa kes bes k'u txomadu la skóla pamodi bu fidju
I bo na trabadju, ku korpu kansadu ta kori di prigu
Diskulpa-m pa kes bes ki mi N fadja, ma sime u kontinua nha ladu
Diskulpa-m pa tudu nhas mintira, pa láguas ki kai tudu bes ki nu briga
Diskulpa-m pa Bia pa nha filia, diskulpa-m pa frakasu des vida
Ma nen ténpu ka sara nha frida
Ku bon fadja, nton, perdon, nha filia

Dexa-m konta-bu un poku
Mó ki nha vida ten stadu, teni nha menti kansadu
Dexa-m konta-bu un poku
Di tudu ki dja N ten pasadu, pisoas ki mi N ten maguadu
Dexa-m konta-bu un poku
Mi N kre pidi diskulpa, dexa-m pidi diskulpa

Dexa-m konta-bu un poku
Mó ki nha vida ten stadu, teni nha menti kansadu
Dexa-m konta-bu un poku
Di tudu ki dja N ten pasadu, pisoas ki mi N ten maguadu
Dexa-m konta-bu un poku
Mi N kre pidi diskulpa, dexa-m pidi diskulpa