NÔ TENÉ FÉ

Asvezis, lubu ta fadja di kuru di karnel pa pudi ntra na koral
Nha ermons, s'i kunsigi ntra la, so disgrasa ku ta odja
Koka taté tibaná
Ali un alkateia kunsigi ntranu koral, koitadi mininus
Ma nha ermons, nunka ka no dizisti
Tudu na pasa, no tene fe

E urdumunhu na pasa, no tene fe
Ka nu dizisti nunka, ermon, di no Guine
Tudu ku tene inisiu, ermon, i tene fin
Tera ka sta diritu, ma no finka pe
Abo i guinensi nin si u bai ate nunde
Ka bu da kosta, riba u difindi bu tera
Kuzas medunhu dja akuntisi ne tera
No donas darma sangi pa liberta e tera

Li ne tera ningin ka ma nportanti
Anos tudu i fidjus di Guine
Tudu na pasa, no tene fe

Li ne tera ningin ka ma nportanti
Anos tudu i fidjus di Guine
Tudu na pasa, no tene fe

Unn, nha Guine (Guine)
Ee, no tene fe (tene)
Na Guine, ooo
Na Guine, ooo
Aan, no tene fe (tene)
Ee, na no Guine (Guine)
No tene, ooo
No tene, ooo

Mama aaa, mama aaa
No tene txur, djustisa muri
Papa aaa, papa aaa
No tene txur, dimokrasia muri

Pulitika punu no odia kunpanher
Ermons na mata n'utru pabia di puder
No ten ku sufri pa n'utru, anos ku mama
No ten ku sufri pa n'utru, anos ku mama
Fidjus di e tera gos na kuri di se tera
Kin ki reklama so familia ta ba ntera
No ten ku sufri pa n'utru, anos ku mama
No ten ku sufri pa n'utru, anos ku mama

Li ne tera ningin ka ma nportanti
Anos tudu i fidjus di Guine
Tudu na pasa, no tene fe

Li ne tera ningin ka ma nportanti
Anos tudu i fidjus di Guine
Tudu na pasa, no tene fe

Unn, nha Guine (Guine)
Ee, no tene fe (tene)
Na Guine, ooo
Na Guine, ooo
Aan, no tene fe (tene)
Ee, na no Guine (Guine)
No tene, ooo
No tene, ooo

Garandis ta fala: Si bu odja kankuran fasi amizadi ku bulufu
Diskunfia kuma i misti riantal baraka
I tene djintis ki pega lus pa bin buska bardadi bas di ratina di sol
Kuma kanua fura, pa salta ku ke ku n' pudi
N' puntal: Kuma ke n' na salta ku ke ku n' pudi si n' pudi inda tapa kanua?
I tene garandias ku ka misti dja kunsidju
Pabia konsidja elis i suma da remediu pa mortu: I ka na fasi nin ifeitu
Nha ermon, n' na falau un konbersu: Nunka k'o diskisil
Nunka k'o kunfia na dutur ku si ermon ta bindi kaxon
Bo pudi mata rivulusunarus
Ma nunka bo ka pudi kaba ku rivuluson
Nha ermons, ka no dizisti
No tene fe
Guine, no tene, ooo

(Etibene Kossok)