In I to Ochji

In i to ochji, ci hè scrittu un mondu
A via chjara da piglià pianu
In i to ochji a mo culomba
Ci hè l'universu à inventà

Da inventà Culombulella
Per ghjucà pianu cù l'acelli
È per fà ride e riturnelle
Di li cavalli è di l'agnelli

In i to ochji, hè natu un mondu
Ci hè l'universu di e mo brame
In i to ochji a mo funtana
Ci hè u marosu chì si calma

Si calma chì tù canti pianu
Per u sempre è lu long'andà
È per lu vechju è lu figlianu
Quelli d'un populu sempre à fà

Eu cantu per tè è tu parli cù mè
U silenziu chi ci tene
E tu canti per mè è eu parlu cun tè
U silenziu face leia

In i to ochji, ci hè a mo lotta
Lesiuccia mea a me bandera
Tessuta pianu di monti è machje
Ci hè a to terra da inventà

Da inventà Lesiuccia mea
Per andà pianu à l'aldilà
È per fà cresce a lotta mea
Di a to terra à suminà
Da inventà culombulella
Per andà pianu à l'aldilà
È per fà cresce a lotta mea
Di a to terra à inventà