Eh, ehi
Oggi aggio avuto na bella nutizia, pure una brutta
Nn'fa niente, chello m'aspettavo
'E sorde, 'e ccullane, 'e diamante 'ncastonate
'O peso che purtammo ogne sicondo e nun sbandammo
'A famiglia, 'e ricorde, 'e tavuliate
'E tramonte, chille tale e quale a ll'alba
Che siente si t'assiente n'attimo? (Yeah, ah)

Aggio pigliato n'ascensore ca nn'è cchiù sceso
Quando succede, te n'accuorge quando è succiesso
Aggio mangiato ggià, ma tengo ancora cchiù fame
Cchiù sete, cchiù saglio e nn't'arriende
Aggio restituito a chi me deve
A chi me vuleva bbene primma 'e chesto
Primma che ero nu materialista
Primma che ero 'naltruista cronico
I' sparto tutte cose, no pecché so' umile
Ma pecché penzo 'e nn'meretà 'a vittoria
E Napule m'assolve dê peccate
Ferite songo 'e premie, so' 'e medaglie p e suldate
'Mm'è brutto quando suonne e nn't'arricuorde che hê sunnato
Che addore tene 'o cielo, che vista tene 'o spazio
Cchiù 'ncopp vaje e cchiù addiviente sulitario
Criature fanno l'uommene 'int'ô specchio imitanno 'e criminale
Ma che friddo fa? Me sciocio 'mmiez'ê mmane (yeah)
Mo, pure quando è vierno, stongo a mezze maniche (yeah)

Se vede tutte cose quando staje 'ncopp'ê nuvole
Nn'c'ammo fatto scrupole
Quante tappe 'e sughero 'nterra pecché c'astipavamo 'e tappe
Ce scetavamo ampresso, nn'era maje troppo tarde
I' m'annascunnevo 'mmiez'ê frate cchiù gruosse
Ce deveno 'e muorse, vulevo fà 'o 'ruosso
E sapevo comme m'er a scansà nu fuosso
Da ll'ultimo posto fino a stà ô primmo posto

'O tauto nn'tene 'e sacche, nn'tene spazio
Ma ce trase quase cchiù 'e na vita sana e ce rimane ancora spazio
Na signora me liggette 'a mano
Me dicette ca essa me liggeva 'a mano sulo si i' 'a liggeva 'a mano
Che sapore tiene mmocca quando daje nu bacio a nu 'nfame?
Che valore daje a na notte quando 'a passe 'int'â machina?
Che precede na sirena, n'antifurto o nu sparo?
Che precede 'o paradiso? Che contiene alla fine 'o Sacro Graal?
Yeah, che sapore tene 'o latte quando 'o bive 'mbraccio â mammeta?
Che d'è na scorciatoia? Nuje ammo fatto 'o giro a largo
Che d'è nu lieto fine si lo stesso te fa chiagnere?
Che d'è 'sta lenza 'e sole, vivere tutt a vita al massimo?
'A piscina a stagione 'a muntavamo 'ncopp'a lastrico
Che d'è na stretta 'e mano 'e n'ommo ca nn'tene carattere?
Che d'è na bugia a fin di bene? Stelle 'int'a ll'abitacolo

Se vede tutte cose quando staje 'ncopp'ê nuvole
Nn'c'ammo fatto scrupole
Quante tappe 'e sughero 'nterra pecché c'astipavamo 'e tappe
Ce scetavamo ampresso, nn'era maje troppo tarde
I' m'annascunnevo 'mmiez'ê frate cchiù gruosse
Ce deveno 'e muorse, vulevo fà 'o 'ruosso
E sapevo comme m'er a scansà nu fuosso
Da ll'ultimo posto fino a stà ô primmo posto