Purahéi ndéve, che ru
Quemil Yambay y Los Alfonsinos
Anohêtama che ñe'ãgui
Purahéi ndéve, che ru
Há upekuévo ehendu
Chacopýrehe guare
Ñorairõ tiempore
Ko ne akãme tagueru
Ambue avei tohendu
Nde ruguy oñehêhague
Ehejava'ekue nde sy
Ñane retã rayhupápe
Mboka nde pópe vy'ápe
Pytagua rehuguaitî
Ndepirîrõ michîmi
Rembohasa pukahápe
Ñande poyvi vevehápe
Jepémo esapymi
Yuhéi, ro'y, kane'õ
Nereñandúi marõve
Reho reg̃uahêmeve
Nde ruvicha he'ihápe
Jepémo mboka ratápe
Bolí nderesyseve
Paraguayo nde rekópe
Ndereikuaái kyhyje
Mboka guasu ihu'u
Fortín Toledo jerére
Ne pehêngue nde ykére
Mokõive pejovasa
Neíparõ pehecha
Ku te'õngue ojoapére
Ho'a'ỹva hetakuére
Nde poguýpema ohasa
Boquerón ári ohasa
Pepo'atã ñande'ỹva
Ndaipóri ndepy'apýva
Ko'ýte neakãraku
Rehendu ku mbokapu
Nde ruguy ombopochy
Reñandu neangapyhy
Tupãsy marangatu
Rehendúmapa, che ru
Nde ra'y ndéve oguerúva
Purahéipe omombe'úva
Mbykymi nde rapekue
Cherendúma upejave
Nde ryvy opytu'úva
Chacopýre ikurusúva
Upe guerrarõguare
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Quemil Yambay y Los Alfonsinos e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: