Che Vallemi

Oiméne tajy poty pe cerro omopytãmba
Oiméne hyakuã porã opárupi ka'aguy
Oiméne ku mainumby ovy'a ha isaraki
Maymáva guyramimi ijayvu ha opurahéi
Che py'águi ndojeivéi upe che Paraguaimi

Umi ysyry mimi panambi oñuãmba
Ha oime culantrilloita hembére ojererei
Llantén petei teî ku hogue hovy asy
Hi’ári katu ipoty aguape kyrỹi guasu
Ha iguýre iñanambusu ju'i rupi'a aky

Ku azucena okúi rei, hyakuãngue ne monga'u
Panambi hovy guasu oveve ñemi ñemi
Oiméne ku guyra'i opárupi ojaitypo
Eira rúa ono'õ yvotýre omburea
Upéva ijeirarã oipyte ha ohykue'o

Oiméne hyakuã porâ ku yvytu cérrogui oúva
Amambái ryakuâ oguerúva ka'aru ro'ysã porã
Oiméne ijayvu joa umi ykuágui oúva
Iñakã ári oguerúva kambuchi ha hy’akua
Hi'ãnte chéve ahecha upe che valle ahayhúva

Oiméne ynambu sevói pe ñúre morotîmba
Tetêu ijayvu joa jahasávo iñangekói
Hi'ãvaicha che renói che retãmi porãite
Ha oime che rembiayhukue che rechaséva avei
Che rayhúrõ gueteri ahayhuháicha ichupe

El tiempo hatã oiko, ñane akã omyapatî
Ñande rova omyacha’î ha ndaikatúi jajoko
Nahi’ãinte la amano mombyryete ndehegui
Aháne rohechami, che akãme roguerekóva
Ha amóme ave che ãhova rohechaga’úgui ai