Neet 't ind
Ziesjoem
Hobste jaorelaank geloupe met 't meidske oet de straot
Hobs h'r jaorelaank met hart en ziel bemind
Obbins is 't aofgeloupe en de leefs gans oet de maot
't Is tristeg meh bedink 't is neet 't ind
Neet 't ind, neet 't ind
't Is 't punt boe-op herinnering begint
Hobste lekker lang ge-ete vaan 'n oetgebreid banket
Alles heerlek zjus 't naogerech waor zwoer
Zals dit ete noets vergete, ligks oonrostig in die bed
Dink mer aon d'n ierste hap en leste boer
Hobste diene vrund verlore, geer waort same alletwie
't Is 't sjoenste in de leve watste mis
't Verdreet dat geit lang dore, en de hobs gein traone mie
Meh bedink tot 't vertrek gein einde is
't Is lestig um te zien tot dinger ech verlore goon
Meh bedink tot de herinnering nog jaore blijf bestoon
Hobste aongenaam genote vaan dit manjefieke leed
Vaan de waord en vaan de wijs en vaan eus stum
De zals noe toch opstoon mote, want tot die zeer groet verdreet
Stelste vas, verrek, 't leedsje is noe um
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Ziesjoem e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: