Pyhare mombyry

Pyharepyte ajesareko yvága mbytére
Che'ãho kangymi ha ipirî pirî ko che korasõ
Tuichaite mba'éningo che añandu ko tetã ambuépe
Mborayhu asy ha techaga'u chembojahe'o

Ko'ág̃a ae péina añandu ko che rekovépe
Pe tetãrayhu ha techaga'u tuichaitevaha
Ymámi aiko vy'a, kunu'û ha ñemochichîme
Che sy mborayhúpe aikómiva'ekue añeñuãmba

Aipota og̃uahê ko che purahéi che Paraguaimíme
Che symi avei oikuaahag̃ua aikovevaha
Ndahi'areichéne ajere jeývo ku che tapỹimíme
Vy'a ha torýpe che ãnga yuhéi amboguehag̃ua

Hi'ãnte ahecha che retã porã ha upe che symíme
Che kamba juky, che irûngueraita che vy'a irûngue
Arekova'erã iñongatupy che ãnga ruguápe
Márõ tesaráipe ndahejava'erãi araka'eve

Aipota og̃uahê ko che purahéi che Paraguaimíme
Che symi avei oikuaahag̃ua aikovevaha
Ndahi'areichéne ajere jeývo ku che tapỹimíme
Vy'a ha torýpe che ãnga yuhéi amboguehag̃ua