Nde ykua rapere guare

Akoipa nemandu'a jaharoguare pe ykuape
Yvoty nde áva kuape ha nde pope kambuchi
Che upero ñemimí pe nde sygui kañyhape
Ku ingaguy kuarahy'ãme roha'arõ che añomi

Puraheipe ndeve ajuvo nde ypyrupi ahasavo
Ha ndeve añeñandukavo vevyimi aturuñe'ē
Repyta ha remã'ē Upe nde rapykuerere
Nde pya'eke ere cheve ndovaleiko che are

Ajavo Upe ne rendape rojopy che pyti'are
Añandu Upe che ñe'ãre ikyrŷiva mborayhu
Che añua ha che retû ha ere cheko ahama
Ko'ãga ko ya ipahama ñamoheñoi kunu'uu

Ndepojaivo pe ymire rejayvy Upe ykua ari
Vevuimi ne akã ári ahupi ne kambuchi
Reku'evo michimi otyky Upe nde syvare
Ajopyva'ekue che kuãre mborayhu re'ēnguemi