Nde Juru Mbyte

Nde juru mbyte ku parral ajúicha he'ê asýva
Maerã voípa ni aipo eiretére ñambojoja
Hykueremínte che korasõme remondykýva
Ha upeguivénte akãvaípema che apyta

Che angaiparãnte nimbo ra'e ako pyharépe
Jerokyhápe ñasãindymíme jajesape
Aikohag̃uama upeguivénte opa che képe
Che paypeguáicha nde jurumírente ajerure

Nde juru mbyte rosa potýpente ojoguaitéva
Iñakỹnguépe omonguepáva yuhéi asy
Ha hyakuãnguémi che mba'asýgui chemoingovéva
Aikohag̃ua ko mundo porãme avy'a jey

Toime oñe'êva, toime ipochýva, che ya ha'éma
Nde rapykuéri añehundíta, kuñataî
Añaretãme achyryrýta, che akãme oikéma
Chéko amuñáta he'ê mbochýva nde jurumi

Nde juru mbyte che mborayhúma ohaitypóva
Kóina araháta ko che rembére ijeíra kue
Ha ovy'aiténe hese okambúva ambue yvypóra
La ambyasymíva nachemba'éinte araka'eve

Ha ahakuévo ku mombyrýma che rekoháre
Kóina araháma che ãngapýpe he'ênguemi
Ne ryakuãngue katu ikurusúma ko che syváre
Jepérõ nde nderesaráimanga chehegui