Pablita pe g̃uarã

Ajumi, che rembiayhu, hi'ãitégui rohecha
Arúva ndeve g̃uarã epu'ãmína ehendu
Péinama umi yvoty hykuãvu ipotypa
Avei nemba'erã hendive che mborayhu

Ndaikatuvéi ni ake aju'ỹrõ rohecha
Operere che ñe'ã che'ãhógui nderehe
Che reságui oñehê, osyry che resay
Ndijavýi ku tyre'ỹ che aikóvanga ãichaite

Nerendápe ajuhag̃ua che mbaraka chemoirû
Ha yvytumi piro'y oipeju ñaneañuã
Hi'ãitépa, che kamba, cheañuã ne kunu'ûme
Nderayhúva ãichaite anive remoangata

Epu'ãmína ehecha ku iporãha ko'êtî
Omimbi ojajairei jasymi ha'e mbyja
Ag̃uiete oñe'êmba ahendu korochire
Purahéipe chendive pg̃uahê nemomorã