Si j'avos su, j'aros resté garchon
Raoul De Godewarsvelde
À vingt-chinq ans quand j'ai connu Lodie
J'eun'vous'l'cache point j'l'aimos comme mes deux yeux
Pour li prouver j'eul'marios à'l'brad'rie
J'comptos fin bien avoir un sort heureux
Mais j'n'avos point pus tros s'maines eud'ménache
Qu'elle retournot déjà tout dins'l'mason
Combien fos j'ai in pinsant à'l'mariache
Si j'avos su, j'aros resté garchon
Si j'avos su, j'aros resté garchon
Auparavant elle n'étot point coquette
Même eul'dimanche, elle mettot point d'capieau
À'ch't'heure la belle, i li faut d'eul'toilette
À chaque saison, i li faut du nouvieau
À l'poud'eud'riz, elle barboulle sin visage
Elle frise eus'tchiête tout comme un quien mouton
Elle se cascogne, faut intinde sin lingage
Si j'avos su, j'aros resté garchon
Si j'avos su, j'aros resté garchon
Comme tous les jours, eune nouvielle maladie
Est découverte par tous ches brafes méd'cins
Contre les microbes, elle prind d'eul'garantie,
In avalant du genief' tous les matins
Dans les cantines, jusqu'au vin elle mesure
Elle est connue tout à fait comme l'houblon
À tous les r'pas, j'minge des peimmes-tchierre à'l'plure
Si j'avos su, j'aros resté garchon
Si j'avos su, j'aros resté garchon
Jeunes gins quind vous verrez eune sainte ni-touche
Vous parle d'amour, in abachant ses yeux
Méfiez-vous z'in car bien souvint ch'est louche
Faire du batt'mint, ch'est s'qu'eune femme elle fait d'mieux
Eune fos marié, ch'est l'boulet pour la vie
Qu'il faut trainer hélas sans rémission
J'in est la preuve, pas plus grande que Lodie
Si j'avos su, j'aros resté garchon
Si j'avos su, j'aros resté garchon
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Raoul De Godewarsvelde e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: