Ko'êtî jave

Ko'êmba potáma, tupãsy rekéva
Epu'ãna ehecha nderayhuhami
Péinama og̃uahê ñanderesapéva
Yvága apýpe ko'ê morotî

Guyrami maymáva opuraheipáma
Ha ipotyjera rosa pytãite
Ka'aguy mbytépe ku guyra campana
Péina o-repicá ko'êtî jave

Cabrilla ojayvýva kuarahy reiképe
Ha estrella ova mombyry mbyry
Che ne rovetãme mborayhu apytépe
Che puraheimíme romongerasy

Nde ryke autora chemohenondéva
Péinama oguepa Tupã rataindy
Epáy, che kamba, rohechasetéva
Torohetûmi ha taha jey

Norte piguymi che py'a ojoráva
Péina chemoirû, ndepejusete
Néina, epu'ã, che korasõ jára
Chemokunu'û ahaite mboyve

Nekorasõmírõ, che rembiayhu jára
Ani ãichaite che'ãngambo'i
Chénte ko yvy ári ne rembiguairãva
Ñesûhápe ajúva romomaitei

Calandria para ku iñe'ê asýva
Enramada ári péina operere
Chemoirû avei ku iñe'ê asýva
Músico estero, guyraû chore

Jazmín Paraguái hyakuã mombyrýva
Yvytu jurúpe péinama og̃uahê
Nardo morotî hyakuã yvagapýva
Nde róga rokára omyenyhête

Jazmín Paraguái hyakuã mombyrýva
Yvytu jurúpe péinama og̃uahê
Nardo morotî hyakuã yvagapýva
Nde róga rokára omyenyhête