Adiósmante che kamba

Ipaháiteko, kamba, ajumi romyangekói
Ndovaléiningo imokõi ndehegui ne mborayhu
Ndehegui ne mborayhu
Topytánte pe pyahu nderehe tojapokói
Anive tova mokõi oñondive jaiporu

Ahajeýtante umi ka'aguy ruguáre
Che resay che rováre taisu'u nde jepoyhu
Taisu'u nde jepoyhu
Mba'éiko ndéve ojehu chemyengoviávo ambuére
Jaiko riréko ojoapére kõinguemíicha jajoayhu

Nemandu'áne, kamba, mba'eichaitémipa che
Ajerurémi nderehe ha rasa romochichî
Ha rasa romochichî
Py'ỹinte rohupimi che jyva ári reke
Aguaravúpeko che nde kéra rohetûmi

Oguepa nimbo ra'e ndehegui ñande vy'a
Jahasava'ekue yma hetaite oñondive
Hetaite oñondive
Nde rapykuérimi che umi arroyo acruzá
Ysyrýre ja-jugá mitãmíicha mokõive

Che py'ápente opyta ko'ãva ko'ã mba'e
Upévare ipahaite aju romomandu'a
Aju romomandu'a
Che ñe'ãkuápe araha upe ne ñaña pore
Ahamíma ningo che, Adiósmante, che kamba